Partneriaethau Trosglwyddo Gwybodaeth (KTPs) (KTP)

Mae'r rhaglen Partneriaeth Trosglwyddo Gwybodaeth (KTP) wedi bod yn rhedeg ers dros 40 mlynedd ac mae'n un o brif raglenni'r DU sy'n helpu busnesau i gael yr arbenigedd a’r adnoddau sydd ar gael mewn prifysgolion. Caiff y rhaglen, sy'n cael ei chynnal ar hyd a lled y DU, ei chyllido’n rhannol gan nifer o sefydliadau, gan gynnwys y Llywodraeth, cynghorau ymchwil ac elusennau.

Partneriaeth rhwng cwmni, prifysgol a myfyriwr graddedig (Cydymaith) yw KTP. Mae’r bartneriaeth yn gweithio gyda'i gilydd i gyflawni prosiect strategol ar gyfer y busnes na fyddai'r cwmni'n gallu ei wneud heb y wybodaeth a'r arbenigedd a ddarperir gan y Brifysgol.

I cael fwy o wybodaeth am y rhaglen Partneriaeth Trosgwlyddo Gwybodaeth cliciwch yma: https://www.ktp-uk.org/

Mae Partneriaethau Trosglwyddo Gwybodaeth yn galluogi cwmnïau i gael gafael ar adnoddau ac arbenigedd sydd eu hangen arnynt i arloesi, tyfu a gwella eu perfformiad. Mae’r KTP yn ffordd gost-effeithiol o helpu'ch sefydliad i wneud y canlynol:

• Cael gafael ar arbenigedd technolegol, gwyddonol neu reoli i alluogi'ch busnes i ymgymryd â phrosiect strategol
• Cael gafael ar bobl â chymwysterau uchel i arwain prosiectau newydd
• Datblygu datrysiadau arloesol i helpu'ch busnes i dyfu
• Cael gafael ar offer a chyfleusterau arbenigol

Bydd noddwr y llywodraeth yn talu 67% o gostau KTP gyda busnes bach a chanolig, a’r sefydliad yn cyfrannu'r 33% sy'n weddill; cyfradd y grant ar gyfer cwmni mawr yw 50%. Mae cyfanswm cost KTP (oddeutu £ 21,000) yn llai na chost sefydliad i recriwtio myfyriwr graddedig yn uniongyrchol, ac mae'r cwmni'n elwa ar fewnbwn arbenigedd proffesiynol a thechnegol y brifysgol, a'r defnydd o gyfleusterau prifysgol.

Mae'r sector preifat, y trydydd sector a rhai sefydliadau yn y sector cyhoeddus yn gymwys i gael KTP. Rhaid i’r cwmni:

• ​Gyflogi o leiaf pedwar cyflogai
• Bod wedi bod yn gweithredu am o leiaf dwy flynedd
• Dylai cynigion KTP gan gwmnïau mawr (dros 250 o gyflogeion) geisio hwyluso cyfranogiad busnesau bach a chanolig o fewn eu cadwyn gyflenwi
• Mae angen i sefydliadau o’r sector cyhoeddus ddangos bod canlyniadau’r prosiect yn cael eu lledaenu'n effeithiol i sefydliadau eraill tebyg mewn rhannau eraill o'r DU

Bydd angen i'r cwmni gyflwyno ei gyfrifon archwiliedig ar gyfer y ddwy flynedd diwethaf a’r cyfrifon rheoli ar gyfer y cyfnod diweddaraf i hwyluso’r gwaith o asesu hylifedd a phroffidioldeb er mwyn cadarnhau y gall y cwmni 'fforddio' cost y KTP.

Gall KTP bara unrhyw hyd rhwng 12 a 36 mis, yn dibynnu ar faint o drosglwyddo gwybodaeth sydd ei angen. ​

Mae gan Brifysgol Metropolitan Caerdydd arbenigedd academaidd sy'n cwmpasu amrediad eang o feysydd pwnc o fewn ein hysgolion a'n hunedau ymchwil:

• Ysgol Gelf a Dylunio Caerdydd
• Ysgol Reoli Caerdydd
• Ysgol Addysg a Pholisi Cymdeithasol Caerdydd
• Ysgol Chwaraeon a Gwyddorau Iechyd Caerdydd
  
• Ysgol Dechnolegau Caerdydd
  
• PDR –  Canolfan Ryngwladol Dylunio ac Ymchwil
  
• Canolfan Diwydiant Bwyd 
• Fablab

Mae gan y Brifysgol yr arbenigedd proffesiynol a thechnegol i helpu cwmnïau i ddatblygu eu potensial busnes, gan gynnwys:

• Mireinio cynhyrchion sy'n bodoli eisoes, neu ddylunio cynhyrchion newydd
• Creu marchnadoedd newydd, ar gyfer cynhyrchion newydd neu gynhyrchion sy'n bodoli eisoes
• Gwella systemau busnes, marchnata neu weithgynhyrchu
• Lleihau costau a gwastraff er mwyn rhedeg y busnes yn fwy effeithlon

Unwaith y byddwn wedi diffinio'ch anghenion, byddwn yn nodi dau neu ragor o bobl academaidd a fydd yn trosglwyddo eu harbenigedd technegol, ymchwil ac arloesedd i'r cwmni drwy'r Cydymaith, gan dreulio oddeutu hanner diwrnod yr wythnos yn cefnogi'r rhaglen.

Mae gan Brifysgol Metropolitan Caerdydd broses KTP pum cam y gellir ei gweld trwy ddilyn y ddolen isod:

Proses KTP Pum Cam

Bydd y Cydymaith KTP yn rheoli'r prosiect, dan oruchwyliaeth y busnes a goruchwylwyr y Brifysgol.

Mae’r rhain yn cynnwys:

• Llwybr carlam i ddatblygu gyrfa 
• Cyflog cystadleuol
  
• Cyflogaeth o fewn disgyblaeth academaidd ddewisol
• Gweithio gyda'r byd academaidd a’r diwydiant
• Cyfleoedd hyfforddi a datblygu
• Cofrestru ar gyfer gradd uwch yn ystod y prosiectau
• Mynediad i ystod eang o gyfleusterau Met Caerdydd

Mae swyddi cydymaith KTP yn cael eu hysbysebu trwy gydol y flwyddyn, neu gellir eu gweld hefyd drwy edrych ar dudalen Swyddi Gwag Innovate UK ar gyfer graddedigion​.